Loksabha Election 2024 Live Updates : लोकसभा निवडणुकीची रणधुमाळी पाहिला मिळत आहे. पहिल्या आणि दुसऱ्या टप्प्यातील मतदान पार पडलं. आता 7 मे 2024 ला तिसऱ्या टप्प्यातील मतदान होणार आहे. तिसऱ्या टप्प्यात बहुचर्चेत बारामतीचं भवितव्य मतपेटीत बंद होणार आहे. त्यासोबत सोलापूर, सांगली, कोल्हापूर, रायगड, रत्नागिरी-सिधुदुर्ग उस्मानाबाद आणि लातूरसाठी मतदान होणार आहे. त्यामुळे प्रत्येक पक्ष आपल्या उमेदवाऱ्यांच्या प्रचारासाठी मैदानात उतरले आहेत.
27 Apr 2024, 08:12 वाजता
Loksabha Election 2024 Live Updates : प्रियंका गांधी शिवाजी काळगेंसाठी प्रचार मैदानात
उदगीरमध्ये आज प्रियंका गांधींचा दौरा आहे. दुपारी दोन वाजता त्या जाहीर सभा घेणार आहेत. काँग्रेसच्या डॉक्टर शिवाजी काळगेंसाठी प्रियंका गांधी मैदानात उतरल्यात
27 Apr 2024, 08:03 वाजता
Loksabha Election 2024 Live Updates : सातारा जिल्ह्यात शरद पवारांच्या 2 सभा
शरद पवार आज सातारा दौ-यावर आहेत.. सातारा जिल्ह्यात शरद पवारांच्या दोन सभा आहेत.. दहीवडी इथे माढा उमेदवार धैर्यशील मोहिते-पाटलांच्या प्रचारासाठी सकाळी 10 वाजता पवारांची सभा होतेय.. तर 3 वाजता पाटण इथे लोकसभा उमेदवार शशिकांत शिंदे यांच्या प्रचारासाठी शरद पवार सभा घेणार आहेत..
27 Apr 2024, 08:02 वाजता
Loksabha Election 2024 Live Updates : कोल्हापुरात आज पंतप्रधान मोदींची तोफ धडाडणार
पंतप्रधान मोदींची तब्बल 10 वर्षांनंतर कोल्हापुरात तपोवन मैदानावर सभा होतेय.. कोल्हापूरचे महायुतीचे उमेदवार संजय मंडलिक, हातकणंगलेचे उमेदवार धैर्यशील माने यांच्या प्रचारासाठी संध्याकाळी 5 वाजता ही सभा होतेय.. या सभेला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह राज्य आणि केंद्रीय मंत्री उपस्थित राहणार आहेत. मोदींच्या सभेमुळे महायुतीच्या प्रचारात रंगत येणार आहे.. मोदी विरुद्ध गादी अशा पद्धतीनं कोल्हापुरात प्रचार सुरु आहे. भाजपचा एकही खासदार आणि आमदार नसलेल्या जिल्ह्यात पंतप्रधान सभा घेत असल्यामुळे भाजप कार्यकर्त्यांमधील उत्साह वाढलाय..
27 Apr 2024, 08:02 वाजता
Loksabha Election 2024 Live Updates : उपमुख्यमंत्री देवेंद्र फडणवीस आज सांगलीत सभा
उपमुख्यमंत्री देवेंद्र फडणवीस आज सांगलीत सभा घेणार आहेत. सांगलीचे भाजपचे उमेदवार संजयकाका पाटील यांच्या प्रचारासाठी फडणवीसांच्या सभेचं आयोजन करण्यात आलंय. दुपारी 2 वाजता कडेगाव इथे ही सभा होणार आहे. संजयकाका पाटील यांची लढत मविआचे चंद्रहार पाटील आणि अपक्ष विशाल पाटील यांच्याशी होणार आहे...त्यामुळे संजयकाका पाटलांसाठी फडणवीस मैदानात उतरलेयत...
