Lok Sabha Elections Voting Live Updates: देशात लोकशाहीचा उत्सव सुरु होत असून, त्यासाठी संपूर्ण भारत देश सध्या सज्ज झाला आहे. देशाचं भवितव्य ठरवणाऱ्या या निवडणुकीत मोठ्या नेत्यांची प्रतिष्ठाही पणाला लागली आहे.
महाराष्ट्रात रामटेक, नागपूर, भंडारा गोंदिया, गडचिरोली आणि चंद्रपुरात निवडणूकीच्या धर्तीवर मतदान पार पडणार असून, त्यासाठी प्रशासनाकडून जय्यत तयारी करण्यात आली आहे. गडकरी, विकास ठाकरे, मुनगंटीवार, धानोरकरांसह बड्या नेत्यांचं भवितव्य इथं मतपेटीत बंद होणार आहे. तर, पूर्व विदर्भातल्या लढाईत आज फडणवीस, पटोले, वडेट्टीवार, पटेलांची प्रतिष्ठा पणाला लागल्याचं पाहायला मिळणार असून, कोण बाजी मारणार याकडे साऱ्यांचंच लक्ष असेल.
19 Apr 2024, 08:19 वाजता
Lok Sabha Elections Voting Live Updates: माढा मतदारसंघात मविआची चिंता वाढलीय
माढा मतदारसंघात मविआची चिंता वाढलीय. शेकापचे नेते अनिकेत देशमुख बंडाच्या तयारीत आहेत. मोहिते पाटलांना उमेदवारी देताना विश्वासात घेतलं नाही, अशी नाराजी व्यक्त करत अपक्ष लढण्याची त्यांनी तयारी केलीय. या भूमिकेनंतर त्यांना शरद पवारांनी बारामतीत भेटीसाठी बोलावलंय. या भेटीनंतर शेकापच्या अनिकेत देशमुखांचं बंड थंड होणार का, याकडे लक्ष असेल.
19 Apr 2024, 08:01 वाजता
Lok Sabha Elections Voting Live Updates: भंडारा गोंदिया लोकसभा मतदार संघात मतदानाला सुरुवात
भंडारा गोंदिया लोकसभा मतदार संघात मतदानाला सुरुवात झाली आहे. उमेदवार देखिल उत्साहाने सकाळी सकाळी मतदान केंद्रावर आले आहे. तर बीएसपी चे उमेदवार संजय कुंभलकर यांनी सुध्दा मतदान केलं असुन पहिल्यांदा राज्यातून बीएसपीची सीट निवडूण येणार असल्याच त्यांनी सांगीतले आहे. तर एकाच मतदान केंद्रावर काँग्रेस उमेदवार प्रशांत पडोळे व बीएसपी उमेदवार संजय कुंभलकर यांचं मतदान आल्याने त्यांनी गळाभेट देखिल केली आहे.
19 Apr 2024, 07:58 वाजता
Lok Sabha Elections Voting Live Updates: प्रतिभा धानोरकर यांनी बजावला मतदानाचा हक्क
चंद्रपूर लोकसभा मतदारसंघातील काँग्रेस उमेदवार आमदार प्रतिभा धानोरकर यांनी चंद्रपूर जिल्ह्यातील वरोरा शहरातील लोकमान्य शाळेत आपला मतदानाचा अधिकार बजावला त्यांनी लोकशाहीचा हा उत्सव असून त्या सर्वांनी सहभागी होण्याचे आवाहन करत आपल्या विजयाचा विश्वास व्यक्त केला.
19 Apr 2024, 07:56 वाजता
Lok Sabha Elections Voting Live Updates: आज पासून बारामतीत प्रचाराची रणधुमाळी सुरू
बारामती लोकसभा मतदार संघातील महाविकास आघाडीच्या उमेदवार सुप्रिया सुळे यांच्या प्रचाराचा आज शुभारंभ होणार आहे पवार कुटुंबियांचे श्रद्धास्थान असलेल्या बारामती तालुक्यातील कण्हेरीच्या मारुती मंदिरात होणार प्रचाराचा शुभारंभ होणार असून त्यांना नंतर जाहीर सभा होणार आहे माजी केंद्रीय कृषिमंत्री शरद पवार ,सुप्रिया सुळे , आमदार रोहीत पवार कार्यकर्त्यांना मार्गशन करणार आहेत तसेच. 20 एप्रिल रोजी बारामती लोकसभा मतदार संघातील महायुतीच्या उमेदवार सुनेत्रा पवार यांच्या प्रचाराचा शुभारंभ होणार आहे सुनेत्रा पवार यांच्या प्रचारांचा शुभारंभ देखील कण्हेरी येथील मारुतीच्या मंदिरातच होणार असून पवार कुटूंबियांचे श्रद्धास्थान असलेला कण्हेरी चा मारुती कोणाला पावणार या कडे सर्वाचे लक्ष लागले आहे.
19 Apr 2024, 07:52 वाजता
Lok Sabha Elections Voting Live Updates: तामिळनाडू येथे अभिनेता अजित कुमार यानं मतदान केंद्रावर जात मतदानाचा हक्क बजावला.
#WATCH | Tamil Nadu: Actor Ajith Kumar arrives at a polling Booth in Thiruvanmiyur to cast his vote in the first phase of #LokSabhaElections2024 pic.twitter.com/WtX1er0u0j
— ANI (@ANI) April 19, 2024
19 Apr 2024, 07:49 वाजता
Lok Sabha Elections Voting Live Updates: मतदार सत्याचीच साथ देणार - कमल नाथ
काँग्रेस नेते आणि मध्य प्रदेशचे माजी मुख्यमंत्री कमल नाथ यांनी आपल्याला छिंदवाडा येथील नागरिक, मतदारांवर पूर्ण विश्वास असून ते सत्याचीच साथ देणार असल्याची प्रतिक्रिया दिली. या जागेवर कलम नाथ यांचे चिरंजीव काँग्रेस नेते नकुल नाथ लोकसभेची निवडणूक लढवत आहेत.
#WATCH | Chhindwara | Congress leader & former Madhya Pradesh CM Kamal Nath says, "I have full faith in the people of Chhindwara. I have full hope that they will stand by the truth."
His son and Congress leader Nakul Nath is contesting from the Chhindwara Lok Sabha seat… pic.twitter.com/2La3i41ZoI
— ANI (@ANI) April 19, 2024
19 Apr 2024, 07:36 वाजता
Lok Sabha Elections Voting Live Updates: गडचिरोलीत मतदानाला सुरुवात
गडचिरोलीतील चार विधानसभा मतदारसंघांमध्ये मतदानाला सुरुवात झाली असून, सकाळपासूनच मतदारांनी या प्रक्रियेत उत्साहानं सहभाग घेतल्याचं पाहायला मिळत आहे. दुपारी तीन वाजेपर्यंत इथं मतदान सुरु राहणार असून, संवेदनशील, अतिसंवेदनशील आणि तीव्र संवेदनशील असे भाग असल्यामुळं इथं पोलिसांचा कडेकोट बंदोबस्त असणार आहे.
19 Apr 2024, 07:32 वाजता
Lok Sabha Elections Voting Live Updates: विक्रमी संख्येनं मतदान करा, पंतप्रधान नरेंद्र मोदी यांचं मराठीतून आवाहन
2024 च्या लोकसभा निवडणुकीला आजपासून सुरुवात! 21 राज्ये आणि केंद्रशासित प्रदेशातील 102 जागांसाठी मतदान होत असल्याने, या जागांसाठी मतदान करणाऱ्या सर्वांनी विक्रमी संख्येनं मतदान करावं असं मी आवाहन करतो. विशेषतः तरुण आणि प्रथमच मतदान करणाऱ्या मतदारांना मोठ्या संख्येनं मतदान करण्याचं…
— Narendra Modi (@narendramodi) April 19, 2024
19 Apr 2024, 07:14 वाजता
Lok Sabha Elections Voting Live Updates: तामिळनाडू येथे पी. चिदंबरम यांनी बजावला मतदानाचा हक्क
काँग्रेस नेते येथे पी. चिदंबरम यांनी तामिळनाडूतील शिवगंगा मतदान केंद्रावर जात बजावला मतदानाचा हक्क.
#WATCH | Tamil Nadu: Congress leader P Chidambaram casts his vote at a polling booth in Sivaganga.#LokSabhaElections2024 pic.twitter.com/9Aq8IfY5cT
— ANI (@ANI) April 19, 2024
19 Apr 2024, 07:10 वाजता
Lok Sabha Elections Voting Live Updates: चंद्रपुरात सुधीर मुनगंटीवार विरुद्ध प्रतिभा धानोरकर यांच्यात थेट लढत
चंद्रपुरात सुधीर मुनगंटीवार विरुद्ध प्रतिभा धानोरकर यांच्यात थेट लढत असून, प्रचारसभांमध्ये या दोन्ही नेत्यांनी मतदारांचा विश्वास जिंकण्याचा प्रयत्न केला होता. इथं निवडणुकीसाठी सर्व यंत्रणा सुसज्ज असून, यंदा 2019 च्या तुलनेत इथं 65 टक्क्यांहून अधिक मतदान होण्यासाठी जनजागृती करण्यात आली आहे.
![मराठीसह 5 भाषांमध्ये प्रदर्शित होणार "धर्मरक्षक महावीर छत्रपती संभाजी महाराज"](https://marathi.cdn.zeenews.com/marathi/sites/default/files/styles/zm_175x100/public/2024/05/16/740826-sambhaji-sssssss.jpg "मराठीसह 5 भाषांमध्ये प्रदर्शित होणार "धर्मरक्षक महावीर छत्रपती संभाजी महाराज"")
